Улсын харцага Төрөөгийн Баасанхүү, Булган аймгийн Сэлэнгэ сумын харьяат Дэлгэрсайханы Амарсайханг давж буй агшин.

Ховд аймгийн Чандмань сумын харьяат улсын харцага Нямаагийн Батзаяаг, Говь-Алтай аймгийн Чандмань сумын харьяат аймгийн хурц арслан Балганы Хишигбаатар өвдөг шороодуулж буй мөч.

Булган аймгийн Бүрэгхангай сумын харьяат аймгийн арслан Дармаагийн Тамир, улсын арслан Пүрэвийн Бүрэнтөгсөөр тав давж, улсын начин цолны болзол хангав. Д.Тамир өмнөх даваанд улсын арслан Н.Батсуурийг өвдөг шороодуулж, таавар эдвсэн билээ.

Баян-Өлгий аймгийн Улаанхус сумын харьяат аймгийн арслан Бередмуратын Серик, улсын харцага Т.Баасанхүүгээр тав давж, улсын начин цолны болзол хангалаа.

Шинэхэн арслан Р.Пүрэвдагва, улсын харцага А.Цацабширт 5-н даваанд тахим буулгав.

Аварга С.Мөнхбат, Булган аймгийн Гурванбулаг сумын харьяат аймгийн арслан Б.Бат-Эрдэнийг хутгаад өвдөг шороодуулан 6 давж буй мөч.

Увс аймгийн Улаангом сумын харьяат улсын харцага Ө.Бат-Орших, Увс аймгийн Баруунтуруун сумын харьяат Хилчин спорт хороо, Увснуур дэвжээ, Монголросцветмет нэгдлийн бөх улсын аварга С.Мөнхбатаар 7 давж шөвгийн дөрөвт үлдлээ.

Улсын начин Д.Нэгдэлийн хүү Жаргалбаяр баяр наадмын долоогийн даваанд Сэлэнгэ аймгийн Мандал сумын харьяат улсын аварга Г.Эрхэмбаяраар даваагаа ахиулан заан цолны болзол хангаж шөвгийн дөрөвт үлдлээ.

Хөвсгөл аймгийн Тосонцэнгэл сумын харьяат улсын харцага Цэдэвийн Содномдорж, аймгйин арслан М.Бадарчаар долоо давж, улсын заан цолны болзол хангалаа.

7-н даваанд улсын харцага Н.Түвшинбаяр, аймгийн арслан О.Хангай нар тунан барилдаж Булган аймгийн Сайхан сумын харьяат улсын харцага Н.Түвшинбаяр давж, улсын заан цолны болзол хангаж буй нь.

Увс аймгийн Улаангом сумын харьяат улсын харцага Ө.Бат-Орших, Булган аймгийн Сайхан сумын харьяат улсын харцага Н.Түвшинбаяр нар тунан барилдсан юм. Улмаар Ө.Бат-Орших, Түвшинбаярыг өвдөг шороодуулж, 8 даван улсын гарьд цолны болзол ханган Төрийн их баяр наадмын үзүүр, түрүүнд үлдлээ.

Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын Хүчит бөхийн барилдааны наймын даваанд Улсын харцага Ц.Содномдорж, Улсын харцага Н.Жаргалбаярыг амлан барилдан давж Улсын баяр наадмын үзүүр, түрүүнд шалгаран буй мөч.

Улсын их баяр наадмын үзүүр, түрүүнд Хөвсгөл аймгийн Тосонцэнгэл сумын харьяат улсын харцага Ц.Содномдорж, Увс аймгийн Улаангом сумын харьяат улсын харцага Ө.Бат-Орших нар шалгаран үлдсэн юм. Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын хүчит бөхийн барилдаанд 9 даван түрүүлж буй агшин.

Улмаар Цэдэвийн Содномдорж ес даван түрүүлж, улсын арслан цолны болзол хангалаа.