Морин хуурын чуулга “Нутаг минь, хүлэг минь” тоглолт

Скай Резорт болон Морин хуурын чуулга хамтран хоёр дахь удаагаа “Нутаг минь Хүлэг минь” тоглолтыг энэ амралтын өдрүүдээр зохион байгуулах гэж байна. Тоглолтод морин хуурын чуулгын удирдаач, Соёлын тэргүүний ажилтан Д.Түвшинсайхан болон Морин хуурын чуулга бүрэн бүрэлдэхүүнээрээ оролцох юм.

Хаана: АСЕМ гэрт
Хэзээ: 2018.06.23-24
Тасалбарын үнэ: 40000 төгрөг

The Lemons хамтлагийн “Red Album” пянз цомгийн нээлт

The Lemons анхны цомог "Red Album” пянз хэлбэрээр эргэн худалдаанд гарахад бэлэн болжээ. Пянзны нээлтийн баяр 6 сарын 23-нд CHOCO Metropolis Club-д 19:00 цагаас эхэлнэ. Нээлтэд урилгаар Бат Оргил /Аж Богдын Харуул/, Оргил /Болор хамтлаг/, Magnolian нар оролцоно.

Хаана: CHOCO Metropolis Club
Хэзээ: 2018.06.23 19 цагаас
Тасалбарын үнэ: 30000 төгрөг

UB Comedy Saturday night special

UB Comedy клубын ээлжит тоглолт 6 сарын 23-ны буюу БЯМБА гаригт болох ба тусгай зочноор хөлбөмбөг тайлбарлагч Э.Балжинням оролцоно.

Хаана: Сөүлийн гудамж дахь Сант асар төвийн 2 давхарт
Хэзээ: 2018.06.23 21 цагаас
Тасалбарын үнэ: 20000 төгрөг

Би Чадна! - Боловсролын Чуулган

Ерөнхий боловсролын сургуулийн сурагчдад өөрсдийгөө таних, юунд дур сонирхолтойгоо мэдэх, мөн гадаадын их дээд сургуульд суралцахын тулд ямар алхмуудыг хэрэгжүүлэх гэх мэт мэдлэг, мэдээллийг өгөх үүднээс Томүжин академи энэ амралтын өдрүүдэд “Би чадна - Боловсролын чуулган”-ыг зохион байгуулах гэж байна.

Хэзээ: 2018.06.23-24
Хаана: Hub Innovation Center
Тасалбарын үнэ: Үнэ төлбөргүй

Wine and Yoga

Йогаар хичээллэдэг хүмүүст, анхлан хичээллэгсэд, мөн сонирхогчдод зориулж тус үйл ажиллагааг зохион байгуулж байна. Дарс уунгаа йогоор хичээллэх энэхүү үйл ажиллагаа нь Манзушир хийдийн хажууд, хотоос хол, дуу чимээнээс зайдуу байгальд болохоороо онцлог юм.

Хаана: Манзушир хийд
Хэзээ: 2018.06.24
Тасалбарын үнэ: 25000 төгрөг

Богд хаан ууланд алхалт

Богд хан уулын ноён оргил Цэцээ гүний оргил өөд Төр хурахаас алхах. Амралтын өдрөөр цэвэр агаарт гаран, шинэ танилуудтай болж Монгол орноо сурталчлан таниулах сайн дурын клубд нэгдэх сонирхолтой хүн бүрт нээлттэй.

Хэзээ: 2018.06.24
Хаана: Богд хан уулын ноён оргил Цэцээ гүн
Тасалбарын үнэ: 8000 төгрөг

График дизайн анги

Өөрийн боловсрол мэдлэг чадвар, карьераа өсгөн хөгжүүлэх, ур чадвараа дээшлүүлэх зорилготой мөн цаашид энэ мэргэжлээрээ ажиллах сонирхолтой бүхий л насны хүн бүр энэ сургалтад хамрагдах боломжтой. Хичээлээр бүх төрлийн видео, контент хийх арга, эвлүүлэг, монтаж хийх, ном, сонин сэтгүүлийн эх бэлтгэх гэх мэт зүйлийг заах болно.

Хэзээ: 2018.06.24
Хаана: Peace Tower, 801 тоот
Төлбөр: 5000 төгрөг

Flag Football Sundays

Америк хөлбөмбөгийг Монголдоо хөгжүүлэх зорилготойгоор ням гараг бүр 17:00 цагаас Үндэсний цэцэрлэгт хүрээлэнгийн хөлбөмбөгийн талбайд үнэ төлбөргүй сургалт, тоглолт зохион байгуулж байна. Нас, хүйсний хязгаар байхгүй бөгөөд туршлагын ч ялгаагүй оролцож болох учир хүссэн хэн ч нэгдэх боломжтой.

Хаана: Үндэсний цэцэрлэгт хүрээлэн
Хэзээ: 2018.06.24 (Есдүгээр сарын 2 хүртэл Бүтэн сайн өдөр бүр)

“Тэнгэрийн ташуур” балет

Хүн төрөлхтний түүхэн дэх хамгийн том гүрнүүдийн нэг Хүннүгийн удирдагч Атилла хаан, дэлхийг чичрүүлж байсан Ромын хаадын нүүр рүү нулимж, нойргүй хонуулж, заримынх нь сүнсийг зайлуулж явсан ба улмаар “Тэнгэрийн ташуур” хоч хүртжээ. Уг үйл явдлыг уран сайхны, тэр дундаа бүжгэн жүжгийн хэлбэрээр тайзнаа амилуулсан “Атилла” буюу “Тэнгэрийн ташуур” бүжгэн жүжиг энэ амралтын өдрүүдээр үзэгчдэд хүрнэ.

Хаана: Улсын Дуурь Бүжгийн Эрдмийн Театр
Хэзээ: 2018.06.23-24
Тасалбарын үнэ: 10 мянга, 15 мянга, 20 мянган төгрөг

Х.Ичинхорлоо