Төрийн өмчийг хороог татан буулгах ажлыг Засгийн газар эхлүүлсэн талаар мэдээлж эхэллээ.

Засгийн газрын Хэрэг эрхлэх газрын дарга Ч.Сайханбилэг хариуцаж ТӨХ-г сангийн хэлбэрээр ажиллуулахаар үйл ажиллагааг нь өөрчлөх юм байх.

Тэрбум, тэрбумын алдагдалтай ажиллаж буй төрийн өмчит компаниуд, үе үеийн төр засгийн эрх барьж буй намын шахааны бизнесийн уурхай болсон зэргээс шалтгаалан улс төрийн нөлөөллөөс ангижруулахын тулд энэ ондоо багтаан татан буулгана гэсэн мэдээллүүд гарч эхэллээ.

Засгийн газар шинэ агентлаг байгуулахдаа УИХ-д өргөн мэдүүлж чуулганы хуралдаанаар оруулж шийддэг.

Гэхдээ Төрийн өмчийн хороог татан буулгах асуудлыг хэн нэгэн Ч.Сайханбилэг даргад үүрэг даалгавар өгснөөр шийдчихгүй байлтай.

Монгол  Улсын амин судас болсон төрийн томоохон байгууллагуудыг нэгтгэн зангидаж буй энэ том байгууллагыг ганц хүний яриагаар татан буулгаад үйл ажиллагааг орвонгоор нь эргүүлчихэж дөнгөхгүй баймаар.

Төрийн өмчийн хороо Засгийн газрын харьяа агентлаг.

Засгийн газар шинэ агентлаг байгуулахдаа УИХ-д өргөн мэдүүлж чуулганы хуралдаанаар оруулж шийддэг.

Засгийн газрын агентлагийн эрх зүйн байдлын тухай хуулийн тавдугаар зүйлийн 5.5 дугаарт “Засгийн газар тухайн агентлагийг байгуулах шаардлагатай гэж үзвэл төрийн захиргааны байгууллагын тогтолцоо, бүтцийн ерөнхий бүдүүвчид холбогдох нэмэлт, өөрчлөлт оруулах саналаа УИХ-д өргөн мэдүүлнэ” гэсэн заалт байна.

Агентлагийг өөрчлөн байгуулах, татан буулгах үйл явц нь үүнтэй адил зарчмаар явагдах учиртай.