Орчин цагт таргалалт гэдэг томоохон асуудал болоод байна. Гоо үзэмжнээс гадна эдийн засаг, эрүүл мэнд гээд олон асуудлыг араасаа дагуулна.

Нэг хэсэг манай улсад “тарган, гүзээтэй” эрчүүд “моодонд” ороод байсан бол харин сүүлийн үед залуус эрүүл чийрэг биетэй байхыг илүүд үзэх болсон нь нийгмийн эрүүл хандлагын илэрхийлэл юм.

Өндөр хөгжилтэй орнуудын хувьд тарган хүмүүс гэдэг “амжилтгүй, арчаагүй, ядуу тарчиг” зэрэг үгсийн илэрхийлэл болдог бол таарсан жинтэй хүнийг “арчаатай, эрүүл мэнд гоо сайхандаа анхаарал тавьж чаддаг, амжилттай” хэмээн тодорхойлж байна.

Та жингээ хасах зорилго тавьсан уу?

Юун түрүүнд турахаар шийдсэн бол одоо байгаа жингээсээ төд хүртэл бууруулна гэсэн хатуу зорилго тавиарай.

Та дасгал хөдөлгөөн хэр идэвхтэй хийдэг вэ?

Жин хасах хамгийн эрүүл арга бол долоо хоногт жингээ 0,5-1 кг-аар хасах бөгөөд үүний тулд шаардагдах илчлэгийг хялбар аргаар тооцож сурах юм.

Хэрэв та долоо хоногт 3-4 удаа нэг цагийн турш дасгал хийдэг бол өөрийн хүрэхээр шийдсэн жингээ 15-аар үржүүлээрэй. Хэрэв огт хөдөлгөөн хийдэггүй бол 13-аар үржүүл. Хэрэв өдөр бүр нэг цаг дасгал хийдэг бол 20-иор үржүүл. Гарах хариу нь таны өдөр тутам зарцуулах шаардлагатай илчлэгийн хэмжээ юм.

Хэр их илчлэг шатаах хэрэгтэй вэ?

Жишээ нь: Таны зорилго 60 кг болох, харин та огт дасгал хийдэггүй гэж бодъё. Тэгэхээр та дээрх томъёогоор (60кг х 13 = 780 ) ккалори илчлэгийг өдөр тутам шатаах шаардлагатай юм.

Эхний хоёр долоо хоногт энэ тооны гуравны нэг буюу 290 ккалорийг өдөр бүр хасна гэж тооц. Дараагийн долоо хоногт нь 580 ккалори, түүний дараагийн долоо хоногт 780 ккалори хасна. Үүнээс хойш энэ хэмжээгээ барих, эсвэл багасгаж болох юм.

Жин хасах хамгийн эрүүл арга бол долоо хоногт жингээ 0,5-1 кг-аар хасах бөгөөд үүний тулд шаардагдах илчлэгийг хялбар аргаар тооцож сурах юм.

Харин турахын тулд хоолоо сойх гэдэг хамгийн эрүүл бус арга гэдгийг битгий мартаарай.

Турах явцад өөх задарч, их хэмжээний ус хүний биед үүсдэг. Энэ нь усыг гадагшлуулах нь тураах эмчилгээний нэг хэсэг юм.