Ираны нийслэл Тегеранаас урагш, уулархаг газрын гүнд оршдог Фордо хэмээх уран баяжуулах байгууламж нь Ираны цөмийн хөтөлбөрийн амин чухал хэсэг юм. Энэ байгууламж Израилын анхаарлын төвд байдаг стратегийн гол объект гэж хэлж болно.

Фордо нь Их Британи, Францыг далай доогуур холбодог хонгилоос ч гүнд байдаг гэж үздэг учир одоогоор Израилын зэвсэгт тус байгууламжид цохилт онилж өгөх бөмбөг байхгүй.

Харин АНУ-д л ийм гүн рүү нэвтрэн цохилт өгч чадах GBU-57 Massive Ordnance Penetrator (MOP) хэмээх бөмбөг байдаг аж.

Фордог анх Исламын Хувьсгалт гвардын хонгилоор ашигладаг байсан бөгөөд 2009 онд Барууны тагнуулууд илрүүлсний дараа Иран уг байгууламжийг хүлээн зөвшөөрчээ.
Газар доор уран баяжуулах тоног төхөөрөмж байрладаг ба хэд хэдэн жижиг хонгилоос бүрддэг гэж үздэг. Харин газар дээр нэг том барилга, туслах замуудтай.

Израилын зэвсэгт "бункер дэлбэлэх" бөмбөг байгаа ч 10 метрээс гүн цохилт өгөх боломжгүй. Харин АНУ-ын MOP бөмбөг 13 мянган кг жинтэй бөгөөд 18 метр бетон, 61 метр хөрсийг нэвтэлж, дэлбэлэх чадвартай аж.

Гэвч Фордо нь газрын гадаргуугаас 80-90 метрийн гүнд байдаг гэж үздэг тул MOP бөмбөг ч бүрэн устгаж чадах эсэх нь эргэлзээтэй байна. 
Одоогоор АНУ Израил, Ираны мөргөлдөөнд шууд оролцоогүй байгаа бөгөөд олон хүн Трамп ямар шийдвэр гаргахыг сонирхож буй. 

Энэ талаар Трамп "Бид Ираны эсрэг цөмийн цохилтод оролцож ч магадгүй, үгүй ч байж мэднэ. Хэн ч миний юу хийхийг мэдэхгүй" хэмээн ярьсан юм.

Эх сурвалж: ВВС