Израил, Ираны мөргөлдөөн хурцдаж буй энэ үед АНУ-ын ерөнхийлөгч Дональд Трамп энэ асуудалд оролцох эсэх талаараа олонд эргэлзээ төрүүлсэн хариулт өгөв.

Тодруулбал тэрбээр лхагва гарагт сэтгүүлчдэд өгсөн мэдээлэлдээ “Би Ираны эсрэг цөмийн цохилтод оролцож ч магадгүй, үгүй ч байж мэднэ. Хэн ч миний юу хийхийг мэдэхгүй” гэсэн юм.

Цаашлаад Ираны төлөөлөгчид Вашингтонд уулзалт хийх хүсэлт тавьсан ч Трамп уулзаж магадгүй гэхдээ энэ уулзалт арай хожимдсон байх гэжээ.

Трамп Ираны цөмийн хөтөлбөрийг зогсоох хэлэлцээр хийх саналыг Иранд тавьж байсан. Израилын тал мөн Ираны цөмийн хөтөлбөрийг эсэргүүцэж, өнгөрсөн долоо хоногт Ираны нутаг дэвсгэрт агаараас довтолсон. 

Үүнээс хойш талууд харилцан нэгэн рүүгээ довтолсоор байгаа юм. 

Гэхдээ мөргөлдөөнийг зогсоох дипломат хүчин чармайлтууд үргэлжилсээр байгаа бөгөөд Герман, Франц, Их Британийн Гадаад хэргийн сайд нар баасан гарагт Ираны Гадаад хэргийн сайдтай уулзахаар төлөвлөж буйг Ройтерс агентлаг мэдээлжээ. 

Энэ уулзалт Ираны цөмийн хөтөлбөрийг зөвхөн энхийн зорилгоор ашиглана гэдгийг баталгаажуулах зорилготой аж. 

Израилын агаараас хийж буй дайралт улам ширүүсэж буйтай холбоотойгоор 10 сая гаруй хүн амьдардаг Тегеран хотын оршин суугчид бусад улсыг зорих болжээ. 

Эх сурвалж: Reuters