Боловсролын зээлийн сангийн захирал О.Сийлэгмааг 2026 оны 1-р сарын 2-ны өдөр үүрэгт ажлаас нь чөлөөлжээ. Тэрбээр 2024 оны 8-р сард уг албан тушаалд томилогдсон юм.

Ямар үндэслэлээр чөлөөлсөн талаар Боловсролын яамнаас тодруулахад, Боловсролын яамны дэргэдэх Ёс зүйн хорооны хурлаар 2025 оны 7-р сараас хойш О.Сийлэгмаатай холбоотой санал гомдлыг гурван удаа хэлэлцэж, ажлын алдаа доголдол гаргасан нь нотлогдсон. 

Ёс зүйн хорооны О.Сийлэгмаад холбогдох сүүлийн дүгнэлт 2025 оны 12-р сарын 11-ний өдөр гарсан тул гурав дахь удаагийн дүгнэлтэд үндэслэн Боловсролын сайд П.Наранбаяр үүрэгт ажлаас нь чөлөөлөх тушаал гаргасан гэв.