"Эрхтэн шилжүүлэн суулгуулагсдын холбоо" ТББ-ын УЗ-ийн гишүүд мэдээлж байна.

-Эрхтэн шилжүүлэх мэс заслын эрэлт жилээс жилд нэмэгдсэн. 30 жилийн турш манай эмч нар эрхтэн шилжүүлэх хагалгааг хийж байна. хамгийн анх 1996 онд энэ хагалгааг хийсэн. Энэ хагалгаа нь дархлаа судлаач, мэс заслын эмч, сэтгэл зүйчид гээд олон хүн багаараа ажилладаг онцлогтой. Манай улс энэ төрлийн хагалгааг улам сайн хөгжүүлэх шаардлага бий.

П.Батчулуун эмчийг  зарим нь өмөөрч, зарим нь шүүмжилж байна. Тархины үхэлтэй донорын ар гэрийнхэнд маш их баярлаж явдаг. Тэдний шийдвэрээр хэд хэдэн хүн амь аврагджээ. Энэ их буянтай үйл юм. Гэхдээ эмчийг ч буруутгамааргүй байна.

Эрхтэн шилжүүлэх мэс заслыг манай эмч нар их сайн хийдэг болсон. Элэг шилжүүлэх суулгах мэс заслын багийг ахалж буй Сэргэлэн эмч дэлхийд хүлээн зөвшөөрөгдсөн, олон улсын хуралд илтгэл тавьдаг хүн. Нэг хүнд ахадсан их ажлыг хийдэг юм билээ. Би охиноосоо элэг шилжүүлэн суулгуулсан хүн. Удаан хугацаанд

Бид цөөхүүлээ тул нэг нэгнээ аварч байвал цаашдын ашдын өлзийд хэрэгтэй. П.Батчулуун эмчийг төр үнэлж шагнасан. Гэтэл дуулиан шуугианы улмаас шүүх тэр хүнийг ялихгүй асуудлаар яллав. Бид тэр эмчээ аврах гээд гарын үсэг цуглуулж, гадуур хөөцөлдөж л байна. Би өөрөө донор хүлээж байсан хүн тул энэ зовлонг их сайн мэднэ. Донороо хүлээж буй олон хүнд өвчтөнүүд байдаг. Та нар эмнэлэгт очоод байдлыг хараарай. П.Батчулуун эмчийн бие их муу байна.        

Би элэг шилжүүлэн суулгуулах мэс заслыг анх хийлгүүлсэн өвчтөний нэг. 14 жилийн өмнө элгээ солиулсан. Би охиныхоо элэгний 70 хувийг тайруул авсан юм. П.Батчулуун эмчийг бид ажиллагаа эмч гэж нэрлэдэг байв. Тэр хүн шоронд байх ёсгүй. Амь нас нь дээсэн дөрөөн дээр байна. Эмч нар олон хоногоор эмнэлэгт бидэнтэй хамт байдаг байв. П.Батчулуун эмч өвчтөнүүдийнхээ төлөө их ажил хийсэн. 

Донор болж, хүний амь аварсан талийгаачийн ар гэрийнхэнд нөхөн олговор өгөх нь зөв. Мөн хуулиа ч сайжруулах хэрэгцээ байна. Гэхдээ юуны өмнө П.Батчулуун эмчийг суллах хэрэгтэй. Бид тэр хүний өмнө өртэй тул, өмгөөлж хамгаалах үүрэгтэй хүмүүс.