Монгол Улсын Бүх нийтээр тэмдэглэх баярын болон тэмдэглэлт өдрүүдийн тухай хуульд зааснаар манай улсад жилд есөн удаа баярын болон тэмдэглэлт өдрүүд тохиодог. Энэ дагуу бид жилд нийт 16 өдөр амардаг.

Энэ онд Цагаан сарын шинийн хоёрон аргын тооллын гуравдугаар сарын 1-ний өдөр тохионо. Гуравдугаар сарын 1-3-ны өдрүүдэд амарна. Гуравдугаар сарын 1, 2-ны өдрүүд нь амралтын өдөр таарсан тул зарим хүн хөдөө явж золгодог зэргийг харгалзан Цагаан сарын амралтын өдрийг сунгах хүсэлтэй байгаа юм.

Иймд УИХ-ын гишүүн, Гэр бүл, хөдөлмөр, нийгмийн хамгааллын сайд Л.Энх-Амгалан Сар шинийн баяраар бүх нийтээрээ арван хоног амардаг байх төсөл боловсруулж буйгаа мэдээллээ.

Ингэхдээ нийтээр амрах 16 хоногоос шаардлагагүй өдрүүдийг хасаж, зөвхөн Үндэсний их баяр наадам, Цагаан сараар илүү хоног амарч, тэмдэглэх юм байна. Уг хуулийн төслийг ирэх лхагва гарагт Засгийн газрын хуралдаанд танилцуулахаар болжээ. УИХ-ын намрын чуулган өнөөдөр хуралдаад хаана. Хаврын чуулган Цагаан сарын дараа эхэлнэ. Тэгэхээр дээрх хуулийн төслийг Цагаан сарын дараа хэлэлцэх боломжтой юм.

Энэ тохиолдолд энэ жилийн Цагаан сарын баярын амралтыг сунгахын тулд Засгийн газар захирамж гаргах шаардлагатай.

ЭНЭ ОНД БҮХ НИЙТЭЭР АМРАХ БАЯРЫН ӨДРҮҮД

Таны бодлоор эдгээр баярын алийг нь бүх нийтээр амрах өдрөөс хасах нь зөв бэ?