Энэ сарын 11-нд Улсын начин цолтнуудад хүндэтгэл үзүүлэх хүчит бөхийн барилдаан болно.

Уг барилдааныг “Ситико аудит” компанийн 15 жилийн нэрэмжит болгон зохион байгуулж байгаа аж. Үүнд улс, аймгийн алдар цолтой 224 хүчтэн барилдахаар болжээ.

Мөн энэ сарын 13-нд их эзэн Чингис хааны мэндэлсний 850 жилийн ойд зориулсан хүндэтгэлийн барилдаан болох бөгөөд уг барилдааныг манай улс анх удаагаа зохион байгуулж байгаа юм. Үүнд улс, аймгийн алдар цолтой 256 бөх зодоглоно.

Харин энэ сарын сүүлчийн барилдаан ирэх 26-нд болох бөгөөд улс тунхагласны өдөрт зориулсан 256 барилдааныг Төрийн ёслолын албатай хамтран зохион байгуулахаар болжээ.