АНУ-д ажиллаж, амьдарч буй Монголчуудын дунд жил бүр уламжлал болгон зохион байгуулдаг “Надад хэлэх үг байна” илтгэлийн тэмцээний ялагч тодорчээ.

DeVry их сургуулийн Хүний нөөцийн удирдлагын магистрант Б.Ундрам "Хөгжлийн хос баганыг тэгшлэх нь" илтгэлээрээ тав дахь удаагийн тэмцээний ялагч болжээ.

Тэмцээний нэгдүгээр шатанд нийт 19 эссэ ирсний 15 нь хоёрдугаар шатанд шалгарсан байна.

Хоёр өдрийн турш үргэлжилсэн тэмцээнд Б.Ундрам 332 оноо авчээ. Түүний хувьд ажлын байран дахь эмэгтэйчүүдийн тэгш байдал, тушаал дэвших болон хөдөлмөрөө тэгш үнэлүүлэх талаар илтгэл тавьсан байна.