Нийслэлийн Хан-Уул дүүргийн нутаг дэвсгэрт байрлах арьс ширний үйлдвэрийн 18 ажилтнаас КОВИД-19 илэрснийг Эрүүл мэндийн сайд С.Энхболд батлав.

Тэрээр Төрийн ордонд болсон, УОК-ын хуралдааны дараа сэтгүүлчдийн асуултад хариулсан юм. Арьс ширний үйлдвэрийн нийт 76 ойрын хавьтлаас давтан шинжилгээ авахад 18 хүний хариу эерэг гарчээ. Ингэснээр нийслэлд бас нэг голомт нэмэгдлээ. Гэхдээ эдгээр 18 тохиолдол өнөөдөр 11.00 цагт танилцуулсан 27 тохиолдолд дунд багтсан, эсэх нь тодорхойгүй байна.