ЗГХЭГ-ын дарга Д.Амарбаясгалан өнгөрсөн даваа гарагт “Зуны цагийн хуваарьт шилжих эсэх талаар яамдаас санал авч байна” гэж мэдэгдсэн. 

Урт өвлийн улиралтай улсад нар мандах, шингэх цагийг харгалзан цагаа хөдөлгөж байх нь хөдөлмөрийн бүтээмж, эрчим хүчний хэмнэлт, эдийн засгийн ач холбогдолтой гэж эрдэмтэд үздэг. Сурагчдын амралт ирэх долоо хоногт эхлэхтэй уялдуулан цаг хөдөлгөх зохицуулалт оруулах зорилгоор санал авч байна гэж тайлбарласан юм. 

GoGo.mn сайт уншигчдынхаа дунд энэ асуудлаар хоёр өдрийн турш санал асуулга явууллаа.  “Цагийн тооллыг ухраах, урагшлуулах шийдвэр гаргахыг Та дэмжиж байна уу?” гэсэн санал асуулгад гуравдугаар сарын 23-ны 08.30 цагийн байдлаар 3813 хүн оролцсоноос: 

• 2448 буюу 64 хувь нь ҮГҮЙ
• 1297 буюу 34 хувь нь ТИЙМ
• 68 буюу 1 хувь нь МЭДЭХГҮЙ гэж хариулжээ.