Их Британийн уран бүтээлч Дэмиен Херст 11 сая фунтын /10 сая ам.доллар/ үнэ бүхий бүтээлүүдээ шатааж эхэлжээ. Тэрээр эдгээр зургуудаа NFT токен хэлбэрээр худалдаалж байсан бөгөөд худалдан авагчдадаа цахим бус, биет хувилбарыг нь шатаана гэж амлаж байсан гэнэ.
Херстийн сүүлийн цуглуулгаас худалдан авагчид бүтээлийн эх хувь эсвэл цахим NFT хувилбараас сонголтоо хийх боломжтой болж байжээ. Худалдан авагч сүүлийнхийг нь сонгосон тохиолдолд цаасан хувилбарыг шатаах ёстой байсан аж.
Бүтээлээ шатаах үед түүнийг юу мэдэрч байсан тухай асуухад "Надад таалагдсан. Бодсоноос ч сайхан санагдлаа" гэж хариулжээ. Зураач хар мөрөвчтэй мөнгөлөг өмд өмсөөд телевизийн камер, зурагчдын өмнө зургуудаа шатаасан байна. Тэрээр бүтээлүүдээ 2016 онд гар аргаар гарган авсан цаасан дээр зуржээ.
Дэмиен Херст цуглуулгаа "The Currency" хэмээн нэрлэсэн бөгөөд бүтээл болгон өөрийн гэсэн нэр, дугаар, зураачийн гарын үсэгтэй аж. Гал руу хийхээсээ өмнө Херст зургийнхаа дугаарыг харуулан баталгаажуулсан байна. Тэрээр бүтээлээ 2021 оноос 10 мянган NFT токеноор худалдаалж эхэлжээ.
Херст "Олон хүн намайг олон сая долларын үнэтэй урлагийн бүтээлээ шатааж байна гэж бодож байгаа ч үнэндээ тийм биш. Би эдгээр бүтээлийн биет хувилбарыг нь л шатааж, NFT-д дахин төрүүлж байгаа хэрэг. Дижитал эсвэл аналоги байна уу, ер нь урлагийн бүтээлийн үнэ цэнийг тодорхойлох хэцүү, гэхдээ үнэ цэнээ алдахгүй. Эх хувилбарыг нь шатаасны дараа шууд л NFT хэлбэрт орж байгаа" гэж ярьсан байна.
Эх сурвалж: ВВС
Их Британийн уран бүтээлч Дэмиен Херст 11 сая фунтын /10 сая ам.доллар/ үнэ бүхий бүтээлүүдээ шатааж эхэлжээ. Тэрээр эдгээр зургуудаа NFT токен хэлбэрээр худалдаалж байсан бөгөөд худалдан авагчдадаа цахим бус, биет хувилбарыг нь шатаана гэж амлаж байсан гэнэ.
Херстийн сүүлийн цуглуулгаас худалдан авагчид бүтээлийн эх хувь эсвэл цахим NFT хувилбараас сонголтоо хийх боломжтой болж байжээ. Худалдан авагч сүүлийнхийг нь сонгосон тохиолдолд цаасан хувилбарыг шатаах ёстой байсан аж.
Бүтээлээ шатаах үед түүнийг юу мэдэрч байсан тухай асуухад "Надад таалагдсан. Бодсоноос ч сайхан санагдлаа" гэж хариулжээ. Зураач хар мөрөвчтэй мөнгөлөг өмд өмсөөд телевизийн камер, зурагчдын өмнө зургуудаа шатаасан байна. Тэрээр бүтээлүүдээ 2016 онд гар аргаар гарган авсан цаасан дээр зуржээ.
Дэмиен Херст цуглуулгаа "The Currency" хэмээн нэрлэсэн бөгөөд бүтээл болгон өөрийн гэсэн нэр, дугаар, зураачийн гарын үсэгтэй аж. Гал руу хийхээсээ өмнө Херст зургийнхаа дугаарыг харуулан баталгаажуулсан байна. Тэрээр бүтээлээ 2021 оноос 10 мянган NFT токеноор худалдаалж эхэлжээ.
Херст "Олон хүн намайг олон сая долларын үнэтэй урлагийн бүтээлээ шатааж байна гэж бодож байгаа ч үнэндээ тийм биш. Би эдгээр бүтээлийн биет хувилбарыг нь л шатааж, NFT-д дахин төрүүлж байгаа хэрэг. Дижитал эсвэл аналоги байна уу, ер нь урлагийн бүтээлийн үнэ цэнийг тодорхойлох хэцүү, гэхдээ үнэ цэнээ алдахгүй. Эх хувилбарыг нь шатаасны дараа шууд л NFT хэлбэрт орж байгаа" гэж ярьсан байна.
Эх сурвалж: ВВС