Өнөөдөр Хүй долоон худагт Соёлын наадам үргэлжилнэ. Соёлын наадмын талбай хурдан морины барианы газраас 100 метрт байрлажээ.

Монгол улсаас ЮНЕСКО-д бүртгүүлсэн соёлын биет болон биет бус өв, Монголчуудын эрхэмлэн дээдлэх үнэт зүйлсэд тулгуурлаж “Монголын нэг өдөр” нүүдэлчдийн соёлын хотхоныг бүтээжээ.

Өнөөдөр

“Цэнгэлийн манлай” нээлтийн тоглолт,
“Их гэр” зан үйл-уран сайхны тоглолт,
“Эрийн гурван наадам” театрчилсан тоглолт
“Морьтны гайхамшиг” шоу тус тус болно.

Боржигон соёлын гэр,
Баруун Монгол гэр,
Казах үндэсний гэр,
Ардын уламжлалт тоглоом наадгай,
Нүүр будалт ба хөрөг зураг,
Уран бичлэг,
Эсгий урлал,
Монгол угсаатны хувцас,
“Улаан гэр” бүтээлч өртөө,
Нум сумын харваа,
Хөхүүрийн айраг,
“Зэв” дижитал музей,
“Салхин ариусал” өрөг урлал зэрэг оролцоот өртөөнүүдээр зочлоорой.
Та “Аварга Монгол” баримлуудтай зураг татуулах боломжтой гэж Монголын урлагийн зөвлөлөөс мэдээлэв.