Хятадын хил рүү их хэмжээний алт нууцаар гаргах гэсэн Монголын иргэн баригджээ. Замын-Үүдээс Эрээний чиглэлд зорчдог ачааны галт тэргэнд явсан төмөр замын ажилтан 1.85 кг алтыг хил давуулах гэж байсныг гаалийнхан илрүүлсэн юм. Энэ хэрэг өчигдөр 15.00 цагийн үед гарсан байна. Уг хэргийг Тагнуулийн ерөнхий газар шалгахаар болжээ. Одоогоор төмөр замын ажилтан буруутгагдан шалгагдаж байгаа ч алтыг хил давуулуулах гэсэн цаад эзэн нь тодорхой бус байгаа хэмээн эх сурвалж өгүүлэв. Дашрамд дурдахад 1.85 кг алт нь одоогийн ханшаар 40 гаруй сая төгрөг болох ажээ.