Монголын Хөлбөмбөгийн Холбооны 60 жилийн ойн хүрээнд зохиож буй “Үндэсний шигшээ багийн өдөр” өчигдөр “UB Event Hall”-д боллоо. Өдөрлөгт Монголын Хөлбөмбөгийн Холбоо байгуулагдсанаас хойших үе үеийн шигшээ багуудын тамирчид цуглаж, түүхт явдлаасаа хуваалцан дурсгалын зураг татуулсан юм.

Танхимд шигшээ багийн олон улсын хэмжээнд тоглосон бүхий л тоглолтуудын үзүүлэлтийг багтаасан үзүүлэнгийн дэлгэц байршуулсан бөгөөд өдөрлөгийн үеэр Монголын Хөлбөмбөгийн түүхэн амжилтуудыг мялаан тамирчдад шагнал гардуулав. Тухайлбал Монголын шигшээ багийн тамирчин асан Б.Буман-Учрал бүх цаг үеийн мэргэч буучийн шагналыг 9 гоолтойгоор авсан юм.

А.Эрхэмбаяр