Онцгой байдлын ерөнхий газрын дарга, бригадын генерал Г.Ариунбуян НҮБ-ын Хүн амын сангийн тэргүүн хатагтай Каори Ишикаваг хүлээн авч уулзлаа.

Уулзалтын үеэр талууд “Ковид-19” халдварын цар тахалтай тэмцэх үйл ажиллагааны талаар болон цаашдын хамтын ажиллагааны талаар санал солилцсон юм.

Мөн НҮБ-ын “Хүн амын сан”-аас хандивласан ариун цэвэр, эрүүл ахуйн багцыг есдүгээр сарын 03-28-ны өдрүүдэд тусгай үүргийн нислэгээр ирсэн эмэгтэйчүүдэд болон үүрэг гүйцэтгэн ажиллаж байгаа эмэгтэй алба хаагчид, резидент эмч нарт тарааж ажилласан тухай тайланг танилцууллаа хэмээн Онцгой байдлын ерөнхий газраас мэдээллээ.