“Говийн-Өндөр” компанийн захирал П.Батбаяр эрдэнэ шиш тарьж ургуулжээ. Тэрбээр гурав дахь жилдээ тариалж байгаа бөгөөд жилээс жилд талбайгаа томсгосоор нийт зургаан га-д эрдэнэ шиш, тарвас, чацаргана тарьсан байна. Эрдэнэ шиш мал аж ахуйд хамгийн шимт тэжээл болохын дээр буурцгийг нунтаглаад гурил болгож хэрэглэдэг аж.

П.Батбаяр үхрийн фермтэй бөгөөд үнээгээ эрдэнэ шишээр тэжээдэг юм байна. Эрдэнэ шиш говийн хөрсөнд тэсвэр сайтай, газрын хөрсөнд ээлтэй. Нэг жил эрдэнэ шиш тариалсан талбайд хүнсний ногоо маш сайн ургадаг гэж тэрбээр хэлэв.