Нийслэлийн Соёлын төв өргөө нь уран бүтээлч, үзэгч, үйлчлүүлэгчдийн тав тухыг бий болгох зорилгоор байрандаа урсгал засварыг өөрсдийн дотоод нөөцөд тулгуурлан хийлээ.

Өнөөдрөөс үзэгчдээ хүлээн авахад бэлэн болжээ.

Түүх сөхвөл, 1987 онд Зөвлөлтийн ард түмнээс бэлэг болгон энэ барилгыг барьжээ. Анх  “Шинжлэх ухаан техник соёлын ордон” гэсэн нэртэйгээр нээлтээ хийж байв.

Шинжлэх ухаан, урлаг соёлын олон байгууллага энд төвлөрөн, үйл ажиллагаа явуулж байв. Барилга А, Б, В, Г гэсэн дөрвөн үндсэн хэсгээс бүрддэг. А хэсэгт 1325 ба 400 хүний суудалтай хурлын болон концертын их бага танхим, Ц.Намсрайжавын нэрэмжит улсын филармони, Театрын музей, Морин хуурын чуулга, Баян Монгол, Соёл-Эрдэнэ чуулгууд байрладаг.