АТГ, Шүүх, Прокурорын байгууллагаас нүүрсний хулгайтай холбоотой жагсагчдын тавьсан шаардлагын дагуу мэдээлж байна.

ХЗДХ-ын сайд Х.Нямбаатар "Жагсагчдаас 100 хүнийхээ нэрсийг өгөөч гэхэд боломжгүй гэдэг хариу өглөө. Маргааш 12 цаг гэхэд нэр холбогдсон хүмүүсийнхээ нэрсийг өг үгүй бол үргэлжлүүлж жагсана гэв. Бид хуультай. Хэн нэгнийг мөрдөн шалгах ажиллагаа явуулаагүй байхад буруутай гэж шүүж зарлаж болохгүй. Энэ бол хүний эрхийг дордуулсан хэрэг. Тиймээс хэдүүлээ энэ ажлаа эрчимжүүлье. Засаг газрын мэдээллүүдийг шуурхай гаргаж, бусад улс оронтой мэдээлэл солилцох зэргээр ажлын хэсэгтэй хамтран ажиллана" гэв.

Мөн тэрээр "Хятадын Засгийн газартай мэдээлэл солилцох хүсэлтээ явуулсан хариу хүлээж байна. Энэ хэрэгт холбогдсон улс төрчдийн нэрсийг, цаашдын мөрдөн шалгах ажиллагаанд саад болохооргүй бол ил болгох талаар ярилцана. Нүүрсний хэрэг дээр одоогоор дөрвөн хэрэг үүсгэн шалгаж байна" гэв.

"Нүүрсний хулгайтай холбоотой хэрэг бүртгэн, мөрдөн байцаах ажил үргэлжилж байна. Үүнтэй холбоотой 21 хэрэг бий. Авлига албан тушаал, мөнгө угаахтай холбоотой нэршлээр шалгаж байна. Өнөөдрийн байдлаар 8 хэргийн 40 гаруй хүнийг шалгаж байгаа бол 3 хэрэгт холбогдох 20 хүний хэргийг прокурорт шилжүүлсэн. Мөрдөн байцаах ажиллагаа олон хэсэгт нотлох баримт цуглуулах шатандаа явж байна. Нотлох баримтад тулгуурлан яллагдагчаар татдаг. Баримтад тулгуурлан яллагдагчаар татах боломжтой бол Прокурор авч хэлэлцэнэ. Улмаар шүүхэд шилжүүлж шийдвэр гарсны дараа гэм буруутай гэдэг нь тогтоогдоно. Тиймээс одоогоор хэн нэгнийг шууд гэм буруутай гэж зарлах боломжгүй" гэж Нийслэлийн прокурорын газраас мэдэгдлээ.

Гэм буруутайг шүүхийн өмнө тодорхой цаг хугацаа зарцуулна гэж мэдээлэв.

Х.Нямбаатар "Хэрэгт холбогдсон хүмүүсийн нэрийг би мэдэхгүй учраас зарлаж чадахгүй. Бид шууд өөрсдийн үзэмжээр хүний хувь заяаг шийдэж буудаж цаазалж чадахгүй. Би хэн нэгнийг хэлмэгдүүлж чадахгүй" хэмээв.

ГЕГ Б.Асралт "10 машин нүүрс хууль бусаар гарсан байж болзошгүй байна гэдгийг Гаалийн ерөнхий газраас анх мэдээлсэн. Машин нь бүртгэлгүй, бүртгэлтэй ч бүрдүүлэлт хийгдээгүй зэрэг асуудал гарсан. Улмаар бид боомтын шинэчлэлийг хийж " гэв.