АНЭУ-ын Дубай хотноо энэ оны зургаадугаар сард нээгдсэн Мохаммед бин Рашидын номын сан дэлхийн хамгийн том, үзүүштэй номын сангуудын тоонд багтаж эхэлжээ. Дубайн удирдагч Мохаммед бин Рашид Ал Махтумын нэрээр нэрлэсэн уг номын санг нэг тэрбум дирхам буюу 272 сая ам.доллараар бүтээжээ.

2016 оноос барьж эхэлсэн, 54 мянган метр квадрат талбайтай номын сан гадна талаасаа дэлгээстэй ном шиг харагдах ба Коран судрын номын тавиураас санаа авчээ.

Номын сан нь

• хэвлэл мэдээлэл
• урлаг
• бизнес
• олон улсын тогтмол хэвлэлүүд
• хүүхдийн ном
• газрын зураг болон атлас
• түүхийн үнэт бүтээлийн өв зэрэг есөн тусдаа хэсгээс бүрдэх ба 1.1 сая гаруй хэвлэмэл болон дижитал ном байдаг.

Зөвхөн номоос гадна 73 мянган хөгжмийн зохиол, 75 мянган видео, 35 мянган сэтгүүл, 325 жилийн түүхтэй 5000 гаруй түүхэн бичиг баримт бий.

Эх сурвалж: CNN