Энэтхэгт Валентины өд­рийг өргөнөөр ёслон тэмдэг­лэхийг тус улсын хиндү болон мусульман шашинтнууд ихээ­хэн дургүйцдэг. Гэсэн хэдий ч хиндү, мусульман, буддист аль нь байлаа ч сарнай цэцгийн бизнес эрх­лэгчдийн хувьд жилийн ашиг орлого нь асар ихээр нэ­мэгддэг таатай үе нь болдог байна.

Энэтхэг, Кени, Этиопи дахь цэцгийн үйлдвэрлэл, худалдааны сүлжээг үн­дэс­лэгч “Karuturi Networks” бай­гууллага өнгөрсөн жил зөвхөн Валентины өдрийг тохиол­дуулан 18 сая шахам сарнай цэцгийг Европын болон бусад орны зах зээлд нийлүүлсэн байна. Энэ үед ялангуяа Кенид цэц­гийн экспорт үлэмж хэмжээ­гээр өсч 72 сая ам.дол­ларын худалдаа хий­сэн гэсэн тоо­цоо гарчээ.

Христос шашинтны хайр дурлалын баярын энэ өдрийг улс үндэстнүүд шашин шүт­лэг ялгалгүй өргөн тэмдэглэх болсон тул “Karutaru” сарнай цэцгийн үйлдвэрлэлээ сүү­лийн жилүүдэд эрс өсгөсөн байна. Тус компани хоёр жилийн өмнө жилд 30 сая сарнай цэцэг зах зээлд ний­лүүлж байсан бол өнгөрсөн жил 650 саяыг нийлүүлсэн гэнэ. Энэ тоо ойрын гурван жилд нэг тэрбум болтлоо өснө гэж тус компанийн менежер мэдэгджээ.

Гэгээн хайрын өдөр-Ва­лентины баяраар зөвхөн Энэт­­хэгийн нэг л компани ийм хэмжээний сарнай цэцэг худалдаалдаг гээд бодохоор дэлхий даяар хичнээн тэрбум сарнай хосуудын хэтэвчийг “тэмтэрдэг” болох нь тодор­хой. Дэлхийн цэцгийн зах зээл жилд 80 тэрбум ам.долларын орлого олж буйн ихэнхийг сарнай цэцгийн худалдаанаас олдог гэж зах зээл судлаачид тооцсон байна.Үүнд Вален­тины өдрийн худалдан авалт нэлээд жин дардаг гэж мөн онцолжээ.

Үүнээс гадна Энэтхэгт Валентины баярыг тэмдэглэн болзож буй хосууд хиндү болон мусульман шашны үзлийг баримтлагч бүлэг­лэлийнхний дайралтад өртөх явдал гардаг аж. Өнгөрсөн сард тус улсын Кашмир му­жид шашны салан тусгаарлах үзэлт эмэгтэйчүүдийн бүлэг­лэл “Орон нутгийн мусуль­манчууд Валентины өдрийг тэмдэглэхгүй. Энэ баярыг тэмдэглэх нь бидний хувьд ёс суртахуунгүй хэрэг” гэж мэдэгджээ.

Намсангийн Пагма