Сар шинийн баярын өдрүүдээр авах зарим  арга хэмжээний тухай захирамжийн дагуу Чингисийн өргөн чөлөөний автозамын хөдөлгөөнийг зохицуулах, хөдөлгөөний аюулгүй байдлыг хангах үүднээс зарим өөрчлөлт оржээ.

Тодруулбал, Моннисын өмнөх урдаасаа хойд чиглэлийн автобусны зогсоолыг нэгдүгээр сарын 26-ны өдрөөс “Төв номын сан”-гийн өмнөх талбайд шилжүүлэхээр боллоо.

Уг зогсоолд өнөөдрийн байдлаар нийтийн тээврийн үйлчилгээний их багтаамжийн 12 чиглэлийн 134 автобус зогсон иргэдэд үйлчилгээ үзүүлдэг юм. Харин хуучин автобусны зогсоолыг таксины зогсоол болгон ашиглахаар төлөвлөж байгаа аж.

Мөн “Барс” захын хойд талын Нарны зам дахь баруунаас зүүн чиглэлд байрлах автобусны зогсоолд нийтийн тээврийн үйлчилгээний М:25б “Баянхошуу-ТЭЦ III”, М: 30 “Япон цэргийн цогцолбор –Вокзал”, М:41 “Толгойт-амгалан” гэсэн чиглэлийн 39 автобус нэгдүгээр сарын 26-ны өдрөөс эхлэн уг зогсоолд зогсож иргэддээ үйлчилгээ үзүүлэх юм байна.

Төв номын сангийн өмнөх талбайг автобусны зогсоолоор ашиглана





А.Сүрэн