Баянхонгор аймагт дөнгөж төрсөн нярайг халуун усанд түлсэн явдал шинэ оны өмнөхөн гарсныг Эрүүл мэндийн яамнаас онцгой анхааран ажиллаж,өдгөө нийслэл хотноо авчран эмчилж байгаа билээ. Нярайг эдгээхийн тулд салбар хариуцсан яамны зүгээс болон олон байгууллага хандив тусламж, сэтгэлийн дэм өгөн ажиллаж байна.

Эх хүүхдийн эрүүл мэндийн үндэсний төвийн Нярайн эрчимт эмчилгээний тасагт эмчлүүлж буй нярайг Эрүүл мэндийн яамны сайд Н.Удвал болон Макс группын харъяа Макс Эксим ХХК-ийн гүйцэтгэх захирал Д.Очирхуяг нар нэгдүгээр сарын 12-ны өдөр эргэлээ.Энэ үеэр Макс группын зүгээс түлэгдсэн нярайн эх Д.Даваахүүд Helen Harper брэндийн хүүхдийн живх болон дагалдах бүтээгдэхүүнийг бүтэн жилийн хэрэглэх эрхийн бичиг гардуулав. Европын зах зээлд нэр хүндтэй Helen Harper брэндийн живх нь харшлын эсрэг хамгийн сайн гэдгээрээ хэрэглэгчдэд танигдсан бөгөөд хүүхдийн арьсанд үрэвсэл үүсэхээс хамгаалагдсан био бүтэцтэй өвөрмөц бүтээгдэхүүн юм. Макс групп Бельгийн Онтекс Интернэйшнл компанийн Helen Harper брэндийн албан ёсны дистрибьютерээр 2010 оноос эхлэн ажиллаж байна.



Охины ээж Д.Даваахүү:

Их олон хүн сэтгэл санааны болоод эд материалын дэмжлэг үзүүлсэн. Одоо Эрүүл мэндийн сайд Н.Удвал болон Макс группын төлөөлөл бид хоёрыг эргэж ирээд байна. Макс группын зүгээс дэлхийд алдартай Helen Harper брэндийн хүүхдийн арчилгааны бүтээгдэхүүний бүтэн жилийн хэрэглээг бэлэглэлээ. Хүүхдийн биед харшил үүсгэдэггүй чанартай бүтээгдэхүүнийг бүтэн жил хэрэглэх эрх авсандаа би туйлын баяртай байна.  Охин маань хурдан эдгэрэх байх аа.



Макс Эксим ХХК-ийн гүйцэтгэх захирал Д.Очирхуяг:

Макс групп монголынхоо хэрэглэгчдэд дэлхий дахинд нэр хүндтэй, хамгийн чанартай брэндийн бүтээгдэхүүн үйлчилгээг хүргэхээр зорин ажиллаж ирсэн. Манай группын зүгээс нийгмийн хариуцлагын хүрээнд олон ажлыг тогтмол зохион байгуулсаар ирсэн. Энэ хүрээндээ бид Баянхонгор аймагт түлэгдсэн нярайн асаргаа сувилгаанд зориулж Европын алдартай Helen Harper брэндийн бүтээгдэхүүний бүтэн жилийн хэрэглээг бэлэглэж байна.