• CS2-ын IEM Katowice 2024 тэмцээн үргэлжилж байна
• Тэмцээнд Монголын "The MongolZ" баг Ази тивийг төлөөлөн оролцож буй
• Тэд гурав дахь тоглолтдоо Польшийн "ENCE" багт хожигдлоо

ESL-ээс зохион байгуулдаг CS2-ын цуврал их дуулга тэмцээнүүдийн нэг, "Intel Extreme Masters"-ын ээлжит өртөө Катовиц хотноо үргэлжилж байна.

Дэлхийн шилдэг 24 баг цугларсан "Intel Extreme Masters Katowice 2024" тэмцээнд Ази тивийг төлөөлөн Монголын "The MongolZ" баг оролцож буй.

Тэд өнөөдөр "Play-In" шатны сүүлийн тоглолтоо Польшийн "ENCE" багтай хийж 2-1 (Mirage 16-13, Nuke 10-13, Anubis 13-5) харьцаагаар хожигдлоо. Эхний хоёр map-д тун өрсөлдөөнтэй тоглолтууд гарсан бөгөөд монголчууд тэргүүлж эхэлсэн ч түүнийгээ хадгалж чадалгүй үе алдаж байв. Харин сүүлийн map-д Польшууд харьцангуй илүү гэдгээ харууллаа.

Ийнхүү TheMongolz-ын "IEM Katowice 2024" тэмцээн өндөрлөж гэртээ харихаар болсон бол ENCE хэсгийн шатанд тоглохоор болов.

• Оросын "Team Spirit" баг "TheMongolz"-ыг хожиж хэсгийн шатанд шалгарлаа
• "The MongolZ" Бразил багуудын аргыг олдгоо дахин нэг удаа баталлаа
• Чендугийн их дуулгын эрхийг "TYLOO" авлаа

Эхний тоглолтдоо Германы "BIG" багт Ancient-д 9-13 харьцаагаар хожигдон доод хүснэгт рүү унасан ENCE өчигдөр Данийн "Astralis" багийг 2-0 (Vertigo 13-10, Ancient 13-4) харьцаагаар хожсон. 2023 оны Далласын их дуулгад түрүүлсэн ENCE багийн ахлагч "Astralis" багийн хамтаар дөрвөн удаа дэлхийн аварга болж байсан туршлагатай.

Харин "The MongolZ" эхний шатанд Бразилын "FURIA Esports"-ыг Mirage-д 14-16 харьцаагаар хожсон ч "Team Spirit"-д 2-0 (Mirage 13-2, Ancient 16-14) харьцаагаар хожигдон доод хүснэгт рүү унасан юм.