• 19 дэх удаагийн Азийн наадам үргэлжилж байна
• С.Жамбалжамц дугуйн спортоор хүрэл медаль авлаа
• Монголын шигшээ баг дугуйн спортоор 1990 оны Азийн наадмаас хойш медаль аваагүй байсан

19 дэх удаагийн Азийн наадам "Ханжоу 2022" 17 дахь өдрөө үргэлжилж байна. Өнөөдөр дугуйн спортын төрөлд Сайнбаярын Жамбалжамц хүрэл медаль хүртэж шигшээ багийнхаа медалийн тоог нэгээр нэмлээ.

Эрэгтэйчүүдийн 210 км зайн засмал замын дугуйн уралдаанд оролцсон тэрээр 4 цаг 31 минут 11 секундэд барианд орсон бөгөөд тэргүүн болон дэд байрыг эзэлсэн Казахстаны тамирчдаас 6 минутаар хоцорчээ.

Монголын шигшээ баг дугуйн спортоор 1990 оны Азийн наадмаас хойш медаль аваагүй байсан юм.

• Б.Чинзориг Ханжоугийн Азийн наадмаас Монголын анхны алтан медалийг авлаа
• Б.Отгонболд финалд шалгарч, мөнгөн медалийн болзол хангалаа
• Dota 2-ын шигшээ баг Азийн наадмаас мөнгөн медаль хүртлээ

Тус төрөлд оролцсон Б.Тэгшбаяр 4 цаг 36 минут 16 секундээр 35-р байр эзэлсэн бол Э.Билгүүнжаргал удаалсан.

С.Жамбалжамц энэ сарын 3-нд болсон засмал замын дугуйн ганцаарчилсан төрөлд 8-р байр эзлээд байсан юм.