Dota 2-ын дэлхийн аварга шалгаруулах тэмцээн буюу TI /The International/-аас өмнөх сүүлийн сунгаа болох “DreamLeague Season 21” энэ сарын 18-аас 24-ны хооронд болно. ESL-ээс зохион байгуулдаг нэг сая долларын шагналын сантай тус тэмцээнд нийт 12 баг оролцож байна.

Тэмцээнд Зүүн болон Баруун Европоос нийт зургаан баг, Ази, Хойд болон Өмнөд Америкаас тус тус нэг баг оролцож байна.

Багууд зургаа зургаагаар хоёр зоонд хуваагдан “best of 2” буюу хоёр үеэр тоглоно. Зооны эхний дөрвөн баг цааш шалгаран дээд болон доод хүснэгтэд жагсаж тэмцээнээ үргэлжлүүлэх юм.

Dream League-ын өмнөх тэмцээнээр "Gaimin Gladiators" баг "BetBoom Team" багийг хожин аваргалж Riyadh Masters-ын эрх авсан юм.

Б.Отгонбаатар