Залуу эмэгтэйчүүдийн дуу хоолой форум долоо дахь жилдээ “Залуу эмэгтэйчүүд: Оролцоо ба Манлайлал” сэдвийн хүрээнд зохион байгуулагдах гэж байна.

Тус форум нь:

• залуу эмэгтэйчүүдийн нийгмийн оролцоо, иргэний оролцоо, шийдвэр гаргах түвшний нөлөөлөл болон оролцоо;
• манлайллын чадавх, боломж, нөхцөл байдалд дүн шинжилгээ хийх, бэрхшээлийг даван туулах арга замаа хамтдаа олох;
• оролцооны гол арга хэрэгсэл болсон залуучуудын иргэний нийгмийн байгууллагуудын хөгжил болон нийгмийн эерэг өөрчлөлтийг авчрахад шаардлагатай манлайллын шинэ загвар, ёс зүйн талаар идэвхтэй санал солилцох, байр сууриудаа илэрхийлэх, нэгдэх, шийдлийг хэлэлцэх чөлөөт орон зай байх болно.

Залуу эмэгтэйчүүдийн дуу хоолой нь өөрийн болон бусдын зүй ёсны дуу хоолой болж, идэвхтэй, оролцоотой иргэн байх, бусад залуу эмэгтэйчүүдийнхээ хамт нийгмийн эерэг өөрчлөлтөд манлайлах хүсэл эрмэлзэлтэй залуу эмэгтэй хүн бүрт нээлттэй гэдгийг зохион байгуулагчид онцоллоо.

Форум энэ сарын 20-нд 09:30 - 17:30 цагийн хооронд "Бишрэлт" зочид буудлын хурлын танхимд болно.