Автомашин, албан тасалгааны суудлын бүрээс, ажлын хувцас үйлдвэрлэгч Zig Zag Fashion компанийн стандартчилагдсан үйлдвэрлэлийн үйл ажиллагаа нь Олон улсад хүлээн зөвшөөрөгдсөн болохоо батлаж ОУ-ын ЧАНАРЫН УДИРДЛАГЫН СТАНДАРТ болсон ISO 9001:2008 ОУ-ын Чанарын удирдлагын тогтолцооны батламжийг хүртсэн Монголын анхны компани боллоо.  

ISO батламжийг авах нь тухайн аж ахуйн нэгжийг ОУ-ын чанарт тохирох бүтээгдэхүүн үйлчилгээг хэрэглэгчдэдээ хүргэх Чанарын Удирдлагын Тогтолцоо бүхий системтэй гэдгийг баталж өгөхийн зэрэгцээ байгууллагын өрсөлдөх чадварыг үнэлэн ОУ-ын түвшинд хүлээн зөвшөөрч, бизнес эрхлэгч, үйлдвэрлэгчдийн хариуцлагыг өндөрсгөж, хэрэглэгчийн сэтгэл ханамжийг хамгийн өндөр түвшинд байлгах баталгаатай бүтээгдэхүүн үйлдвэрлэх ажиллагаатай гэдгийг батламжилж буй явдал юм.

ОУ-ын Стандартын байгууллага ISO нь 2000 оноос хойш нэмж өөрчилөн сайжруулсан стандартуудаа 2008 онд баталгаажуулсанаас хойшхи ISO 9001:2008 батламжийг авсан Монголын анхны аж ахуй нэгж Зиг Заг Фейшн компани болсон нь зах зээлийн тэргүүлэгч, чанарыг эрхэмлэгч, үйлчилүүлэгчээ дээдэлсэн нийгмийн хариуцлагатай компани гэдгээ дахин баталлаа.