Парис 2024 зуны олимпын усанд сэлэлтийн эрэгтэйчүүдийн 100 метрийн чөлөөт сэлэлтийн төрлийн урьдчилсан уралдаанууд боллоо.

Тус төрөлд Монголын шигшээ багийн тамирчин Батбаярын Энхтамир оролцсон бөгөөд тэрээр "Heat 4" багцад Кипр, Сенегал, Сент Люсиа, Уругвай, Эмират, Гана, Шри Ланка улсын тамирчидтай хамт уралдав.

Тэрээр 50.81 секундэд барианд орсноор гараандаа 5-т, нийт 79 тамирчнаас 50-д жагслаа. Түүний ийнхүү 50 орчим секундэд барианд орсон нь Монголын шигшээ багийн олон улсад үзүүлсэн хамгийн богино хугацаа юм.

Эрэгтэй 100 метрийн төрөлд хамгийн хурдан сэлсэн 16 тамирчин хагас шигшээ шатанд шалгарлаа. Тэдгээрийг АНУ-ын сэлэгч Жак Алекси 47.57 секундээр тэргүүлж Франц, Румыны тамирчид удаалав.