Дэлхийн үнэт металлын зах зээлийн 56 хувийг алтны эрэлт бүрдүүлж байгаа талаар “Metal Focus”-ийн тайланд дурдлаа. Ерөнхийдөө үнэт эдлэлийн эрэлт нэмэгдэж байгаа боловч үнэт эдлэл дэх алтны хэрэглээ буурсан байна.

Түүнчлэн 310 тэрбум ам.доллараар хэмжигдэж байгаа дэлхийн үнэт эдлэлийн зах зээл 2020 он хүртэл жил тутамд 5 хувиар өснө гэсэн таамаг байгаа аж. Ялангуяа БНХАУ-д энэхүү өсөлт 7 хувь, Энэтхэгт 5 хувьтай байх төлөвтэй байгаа юм.

Хонгконгийн хувьд мөн эрэлт нь хурдацтай нэмэгдэж байна. Үнэт эдлэл дундаас брэндийн мөнгөн эдлэл үйлдвэрлэгчид болон Азийн жижиглэн худалдаа эрхлэгчдийн үзүүлэлт тэргүүлж байгаа юм.

Харин алтны тухайд Энэтхэгт энэ он гарснаас хойш ханш нь 21 хувиар чангарсан байна. Үүнээс болж Энэтхэгийн алтны импорт дөрөвдүгээр сард 74 хувиар буурсан үзүүлэлттэй байсан талаар тус улсын Сангийн яамнаас мэдээлжээ.

Т.Элиса