Өнгөрсөн амралтын өдрүүдэд зам тээврийн ослын улмаас хөдөө орон нутагт 6, нийслэлд 1 хүний амь нас хохирсон байна.

Дорноговь аймгийн Замын-Үүд сумаас хойш 44 км-т Camry маркийн авто машин Suzuki Alto маркийн авто машинтай мөргөлдөж, таван хүний амь нас хохирчээ.

Мөн Хан-Уул дүүргийн нутаг Зайсангийн зам, Зайсан скор төвийн урд замд Lexus LX-470 маркийн авто машины жолооч Т нь согтууруулах ундааны зүйл хэрэглэсэн үедээ тээврийн хэрэгсэл жолоодон, явган зорчигч 48 настай эрэгтэй Ж-г мөргөж амь насыг нь хохироосон байна.