Монголбанкны Ерөнхий эдийн засагч Д.Ган-Очир, Г.Мөнхбаяр, Л.Даваажаргал, О.Цолмон, Э.Элбэгжаргал нар өнгөрсөн дөрөвдүгээр сард КОВИД-19 цар тахлын Монгол дахь тархалтын сценарио шинжилгээг хийжээ.

Тухайн үед халдвар дотоодод тархаагүй байсан тул Монгол улстай адилтгаж болох гурван орноор сценарио шинжилгээ хийсэн байна. Үр дүнгээс дурдвал:

-Дотоодод тархаж эхэлсэн өдрөөс эхлэн халдвар авсан хүний тоо эхний 18-30 хоногтоо өссөөр, түүнээс хойш буурна.
-Цар тахлын эхний давалгаа 2-3 сар үргэлжилнэ.
-Хөл хориог хэр хурдан, үр дүнтэй авч хэрэгжүүлэхээс хамаарч 450-3000 хүнд халдварлана:

1. Тархалт бага: 2-3 сар үргэлжилж 450 хүнд халдварлана.
2. Тархалт дунд: 3 сар үргэлжилж 1700 хүнд халдварлана.
3. Тархалт өндөр: 3 сар үргэлжилж 3000 хүнд халдварлана.

Иймд хөл хорио, халдвар хамгааллын дэглэмийг үр дүнтэй хэрэгжүүлж, дагаж мөрдөх нь хохирлыг багасгах цор ганц арга зам юм!

Энэ сарын 12-нд дотоододоо халдвар тархаж эхэлснийг анх мэдсэнээс хойших өдрүүдийн бодит мэдээллийг ашиглан дээрх эдийн засагчид тооцоогоо шинэчилж эхэлжээ. Үр дүнг удахгүй хуваалцах юм байна.