2020 оны нэгдүгээр сарын нэгнээс эхлэн хөдөлмөрийн хөлсний доод хэмжээ 420 мянган төгрөг болж өслөө. Өнгөрсөн онд энэ хэмжээ 320 мянган төгрөг байсан юм. Хөдөлмөр, нийгмийн хамгааллын яам, Монголын үйлдвэрчний эвлэлийн холбоо, Ажил олгогч эздийн нэгдсэн холбоо хамтран дээрх шийдвэрийг 2018 онд гаргасан.

Хөдөлмөрийн хөлсний доод хэмжээг 100 мянган төгрөгөөр нэмснээр амьжиргааны доод түвшин ч дагаад өснө. Энэ хэмжээг Үндэсний статистикийн хорооноос жил бүр шинэчлэн тогтоодог юм.             

Мөн нэг сарын хөдөлмөрийн хөлсний дээд хэмжээг 4.2 сая төгрөгөөр тогтоов. Ингэснээр энэ дүнгээс дээш орлоготой иргэд ч 4.2 сая төгрөгөөс тооцуулан нийгмийн даатгалын шимтгэл төлнө.