Жил бүрийн арваннэгдүгээр сарын 1-ээс тавдугаар сарын 1-ний хооронд хурдан морины уралдаан зохион байгуулахыг хориглосон Засгийн газрын шийдвэр хүчингүй болгож буйгаа мэдэгдлээ.  

Өвөл, хаврын морин уралдаан бол хүүхдийн эрхийг ноцтой зөрчдөг болохыг ХЭҮК болон олон улсын судалгаанд дурдсан байдаг. Нэг ёсондоо хүүхдийн эрх, эрүүл аюулгүй байдалд халдсан шийдвэрийг гаргалаа гэж үзэж болох юм. Тэгвэл Ерөнхий сайд тэргүүтэй Засгийн газар 22 сайдтайгаас 14 нь хурдан удмын болон азарга адуутай байна. Тэднээс Аж үйлдвэр, эрдэс баялгийн сайд Ц.Туваан 518 буюу хамгийн их адуутай. АТГ-т мэдүүлсэн хөрөнгө оруулгын мэдүүлгээр Засгийн газрын зарим гишүүдийн хэн хэчнээн адуутайг танилцуулж байна.

1. Аж үйлдвэр, эрдэс баялгийн сайд Ц.Туваан 518 адуутай.
2. Монгол Улсын тэргүүн шадар сайд, Эдийн засгийн хөгжлийн сайд Л.Гантөмөр 160 адуутай
3. Цахим хөгжил, инновац, харилцаа холбооны сайд Ц.Баатархүү хурдан удмын 146 адуутай.
4. Хот байгуулалт, барилга, орон сууцжуулалтын сайд Ж.Батсуурь 140 адуутай
5. Сангийн сайд Б.Жавхлан хурдан удмын 24, нийт 80 адуутай.
6. Монгол Улсын сайд, Хяналт, үнэлгээний Үндэсний хорооны дарга Э.Одбаяр хурдан удмын 50 адуутай
7. Батлан хамгаалахын сайд С.Бямбацогт 25 адуутай
8. Засгийн газрын Хэрэг эрхлэх газрын дарга Н.Учрал 20 адуутай
9. Ерөнхий сайд Л.Оюун-Эрдэнэ хурдан удмын удмын 5, нийт 17 адуутай
10. Монгол Улсын Шадар сайд өрсөлдөөний асуудал эрхэлсэн Т.Доржханд- 12 адуутай
11. Эрчим хүчний сайд Б.Чойжилсүрэн 6 адуутай
12. Гадаад харилцааны сайд Б.Батцэцэг хурдан удмын 5 адуутай
13. Хууль зүй, дотоод хэргийн сайд О.Алтангэрэл 4 адуутай
14. Зам, тээврийн хөгжлийн сайд Б.Дэлгэрсайхан хурдан удмын 2 адуутай

Зөвхөн Засгийн газрын гишүүн ч гэлтгүй УИХ-ын гишүүд, эрх баригчид хэдэн зуун саяар хэмжигдэх азарга адуутай гэхэд хилсдэхгүй. Хүүхдийн эрхийг зөрчсөн энэ шийдвэрээ хэдэн хүүхдийн амийг авч одсоны дараагаар эргэн харах гээ вэ? Засгийн газар түмнийг төлөөлж, монгол хүүхэд бүрийн эрүүл мэнд, амь насыг хамгаалсан шийдвэр гаргах ёстой. Хүлээсэн үүргээ ч биелүүлэх ёстой.