Ерөнхий сайд, зарим сайд, холбогдох албаныхан “Тавантолгой түлш” ХК-ийн зүүн бүсийн үйлдвэрт өнөөдөр ажиллалаа. Нийслэлээс түлшний чанарыг сайжруулах чиглэлээр цаашид авах арга хэмжээ, түлшний шилжилтийн талаар танилцууллаа.

“Тавантолгой түлш”-ийн үйлдвэрлэж буй түлшний чанар өнгөрсөн онуудтай харьцуулахад муудсан гэх дүгнэлт гарчээ. Өнөөдрийн байдлаар түлш үйлдвэрлэхдээ хоёр төрлийн барьцалдуулагч ашиглаж байна. Одоо ашиглаж байгаа барьцалдуулагч, мидлинг нь чанарын шаардлага хангахгүй байгааг холбогдох албаныхан онцоллоо.

Түлшний технологийг өөрчилж, үндсэн түүхий эдээр “Эрдэнэс таван толгой”-н хоёр дахин угааж бэлтгэсэн баяжуулсан нүүрсийг хэрэглэж эхлэхээр төлөвлөжээ.  Түүнчлэн:

1. Сайжруулсан шахмал түлшний стандартыг шинэчлэх
2. Агаар, орчны бохирдлыг бууруулах тусгай дэглэм бүхий бүс байгуулна. Тодруулбал, агаарын бохирдол хамгийн их \ ЭХЭМҮТ орчмын айл өрхүүд, Гандангийн дэнж, Моксва хороолол, ИБЕГ, 100 айл орчмын айл ... гэх мэт\ 50 мянган өрхийг шингэрүүлсэн хийн түлшинд шилжүүлнэ.
3. Агаарын бохирдолд нөлөөлж байгаа автомашинаас харах утаа, хорт бодисыг бууруулах чиглэлд анхаарна
4. Гэр хорооллыг дахин төлөвлөж, орон сууцжуулах төсөл хөтөлбөрийг хэрэгжүүлнэ гэдгийг Нийслэлийн засаг дарга бөгөөд Улаанбаатар хотын захирагч Х.Нямбаатар танилцууллаа.

“ХӨХ НҮҮРС” ТӨСӨЛ

Улаанбаатарын агаарын бохирдлыг үе шаттай бууруулахын тулд олон төсөл эхлүүлсэн тухай Монгол Улсын Ерөнхий сайд Л.Оюун-Эрдэнэ онцлов.

Үүний нэг нь Засгийн газрын 2024-2028 оны үйл ажиллагааны хөтөлбөр, Шинэ сэргэлтийн бодлого, Засгийн газраас хэрэгжүүлэх 14 мега төслийн нэг “Хөх нүүрс” төсөл юм. Төслийн хүрээнд Багануурын нүүрсний уурхайд түшиглэн “Нүүрс химийн цогцолбор” байгуулна. Төслийн талаар:

• Хөх нүүрс нь эдийн засгийн хувьд хэмнэлттэй, үйлдвэрлэх үнэ одоогийн сайжруулсан түлшнээс 62 хувиар бага байна.
• Агаарын бохирдол 60-80 хувь буурах боломжтой.
• Нүүрсний хог хаягдлаас 100 мвт-ийн эрчим хүч үйлдвэрлэнэ гэж тооцоолжээ.
• Химийн бодисын түүхий эдийг дотооддоо үйлдвэрлэх боломжтой болно

“Хөх нүүрс” төслийн бүтээн байгуулалт гурван үе шаттайгаар8 2024-2027 онд хэрэгжинэ гэж “Эрдэнэс Монгол” ХХК-ийн гүйцэтгэх захирал С.Наранцогт танилцууллаа.