МХХ-ноос "Арвайн Үндэс" компанитай хамтран зохион байгуулж буй “Хүрхрээ” үндэсний дээд лигийн энэ улирлын тоглолтууд сонирхолтой өрсөлдөөн дүүрэн үргэлжилж байна.

Өнгөрсөн тойрогт лигийн шинэ гишүүн “Дэрэн”-гийн залуус хүснэгтийг тэргүүлж явсан “Сэлэнгэпресс”-ийг 2:1-ээр буулган авч нэг байр ахихын зэрэгцээ дэд байрт явсан “FC Ulaanbaatar”-т тэргүүлэх боломжийг бий болгосон юм. 

Энэ жил үндэсний дээд лигт анх удаа оролцож буй “Дэрэн” клубийн залуус тоглолтоос тоглолтод яван чангарсаар өнгөрсөн бямба гаригт лигийг нэг ч хожигдолгүй тэргүүлж байсан “Сэлэнгэпресс” багийг ялж дуулиан дэгдээгээд байна. Тэд лигт ийнхүү долоон оноотой болсноор доод лиг рүү хасагдах бүсээс гарч долдугаар байр руу дэвшлээ. 

Байгуулагдсан огноо: 2008 он
Клубийн эзэн: Г.Мөнхчулуун
Багийн менежер: Сугар
Ахлах дасгалжуулагч: Войслав Бралушич
Багийн эмч: Ц.Хонгорзул
Үндэсний Лигт оролцож эхэлсэн хугацаа: 2015 он

Эх сурвалж: Монголын Хөлбөмбөгийн Холбоо