Монголын үндэсний сагсан бөмбөгийн холбоо, Монголын сагсан бөмбөгийн холбоо хамтран зохион байгуулсан 21 аймгийн Үндэсний лигийн тэмцээний эмэгтэйчүүдийн аваргаар “Дархан Бурхантын Буганууд” баг тодорлоо.

Эмэгтэйчүүдийн аваргын төлөө УИХ-ын гишүүн Б.Жавхлан эзэнтэй “Дархан Бурхантын Буганууд”, Архангай аймгийн “Архангай Ондилт” багууд учраа таарсан.

Хоёр багийн эхний тоглолтод Дархан хожсон. Харин хоёр дахь тоглолт тун өрсөлдөөнтэй болсон бөгөөд тоглолтын эхнээс багууд хамгаалалт довтолгоо нямбай хийж байсан юм. “Дархан Бурхантын Буганууд” эцсийн мөчид өрсөлдөгчөө 55:52-оор буулган авч, 2-0-ээр цувралд илүүрхэн үндэсний аваргаар тодорлоо. 

Финалын Үнэ Цэнэтэй тоглогчоор ОУХМ Д.Ганзул шалгарсан гэдгийг Монголын сагсан бөмбөгийн холбооноос мэдээллээ.

Эмэгтэй шилдгүүдээр
1.М.Булбул Шилдэг холбон тоглогч /Завхан Этүгэн/
2.Иштаяа Шилдэг хамгаалагч /Архангай/
3.Баянжаргал Шилдэг довтлогч /Архангай/
4.Б.Алтанзаяа Шилдэг хүчний довтлогч /Дорноговь/
5.Мөнхсувд Шилдэг төвийн тоглогч /Дархан Бурхантын Буганууд/ тус тус тодорлоо.