Кино урлаг үүсэж хөгжсөний 90 жилийн ойг тохиолдуулан Ерөнхийлөгч У.Хүрэлсүх төрийн дээд цол, одон, медаль гардууллаа.

Жүжигчин С.Ариунбямба Монгол Улсын гавьяат жүжигчин цолоор энгэрээ мялаалаа.  Тэрбээр “Аравт”, “Үргээлэг”, “Луйвар”, “Содура”, “Ану хатан”, “2000”, “Ларьдма”, Тэгри чину ,“Зура-2 цурам ажиллагаа” “Бүсгүй” зэрэг олон кинонд тоглосон билээ.

Мөн "Илүү сартай зун" киноны Ариунаагийн дүрээр олонд танигдсан, дуу оруулагч, жүжигчин О.Оюун МУГЖ цолоор энгэрээ мялаав. Тэрээр “Тунгалаг тамир” киноны Итгэлт баян, “Мандухай цэцэн хатан” киноны Сатай сайд зэрэг олон дүрээр мөнхөрсөн Ардын жүжигчин А.Очирбат гуайн охин юм.

Мөн энэ үеэр дуу оруулагч Ө.Наранбаатар гавьяат жүжигчин цолоор энгэрээ мялаалаа. Тэрээр 34 жилийн хугацаанд 30 мянга гаруй кинонд дуу оруулж, уран сайхны 50 гаруй кинонд гол ба туслах дүрд тогложээ.

Соёлын гавьяат  зүтгэлтэн цолоор:

• “Монгол кино үйлдвэр”-ийн зургийн дарга асан, Монголын үндэсний кино урлагийн академийн тэргүүлэгч гишүүн Галсанбалдангийн Аахүү,
• “Монгол кино үйлдвэр”-ийн химийн инженер Жалцангийн Бадам,
• “Монгол кино үйлдвэр”-ийн ерөнхий инженер, дэд профессор Пүрэвийн Төмөртогтох,
• “Монгол кино үйлдвэр”-ийн эвлүүлгийн найруулагч Дамбасүрэнгийн Батгэрэл,

            Урлагийн гавьяат зүтгэлтэн цолоор:

• “Монгол кино үйлдвэр”-ийн оператор Дэчинравдангийн Балчинпүрэв,
• “Монгол кино үйлдвэр”-ийн дууны найруулагч Бэгзжавын Баянбат,
• “Монгол кино үйлдвэр”-ийн найруулагч Дуламсүрэнгийн Цэнддорж,
• “Монгол кино үйлдвэр”-ийн ерөнхий зураач Батын Болд,
• “Монгол кино үйлдвэр”-ийн ерөнхий зураглаач, “Зохиомж” дээд сургуулийн багш Бямбаагийн Лхагвадорж,
• “Монгол кино үйлдвэр”-ийн зураач Наваандамбын Батжаргал,

            Гавьяат жүжигчин цолоор:

• “Голден пикчерс” продакшны продюсер, жүжигчин, дуу оруулагч Өлзийн Наранбаатар,
• “Монгол кино үйлдвэр”-ийн жүжигчин, дуу оруулагч Очирбатын Оюун,
• Чөлөөт уран бүтээлч, жүжигчин Сүхээгийн Ариунбямба,

            Хөдөлмөрийн гавьяаны улаан тугийн одонгоор:

• “Монгол кино үйлдвэр”-ийн албаны дарга Түмэндэмбэрэлийн Сарантуяа,
• “Монгол кино үйлдвэр”-ийн оёдолчин Юнрэнгийн Цэцэгбадам,

Алтан гадас одонгоор:

• “Монгол кино нэгтгэл” ТӨҮГ-ын архив, бичиг хэргийн эрхлэгч Жигмэдийн Туул,
• “Мэгүүн медиа” ХХК-ийн гүйцэтгэх захирал, продюсер Сүхбаатарын Ангараг,
• “Вайт арч” студийн жүжигчин, дуу оруулагч Дашнанзадын Сарантуяа,
• “Монгол кино нэгтгэл” ТӨҮГ-ын аж ахуйн эрхлэгч Шаалуугийн Байгалмаа,
• “Монгол кино нэгтгэл” ТӨҮГ-ын зураглаач Даваажавын Батболд,

            Хөдөлмөрийн хүндэт медалиар:  

• Чөлөөт уран бүтээлч, жүжигчин Лхагвабаярын Жижжалам,
• “Монгол кино нэгтгэл” ТӨҮГ-ын зураач Сүхбаатарын Чинсанаа нарыг шагналаа.

Монгол Улсын Ерөнхийлөгч У.Хүрэлсүх төрийн дээд цол, одон, медаль хүртсэн эрхмүүдэд болон гэр бүл, хамт олонд нь баяр хүргэж, сайн сайхан бүхнийг хүсэн ерөөлөө.