Өнгөрсөн долоо хоногт Цагаан ордны сурвалжлагчдын холбооны хүлээн авалтын үеэр нэгэн этгээд халдлага үйлдсэн. 

Тус хүлээн авалтад ерөнхийлөгч Дональд Трамп тэргүүтэй эрх баригчид оролцож байв. 

Прокуроруудын нийтэлсэн шинэ бичлэгт зэвсэгт этгээд хамгаалалтын бүсийг ердөө дөрвөн секундын дотор нэвтлэн орж буй агшныг харуулжээ. 

Тодруулбал өөрийгөө зэвсэглэсэн этгээд хурдтай гүйж ирэн хамгаалалтын ажилтнууд руу буугаа чиглүүлж, цааш хүлээн авалтын танхим руу орохыг завдаж буй нь хяналтын камерын бичлэгээс харагдана. 

Тус этгээд хүлээн авалтын танхим хүртэл буудлын коридороор 18 орчим метр гүйсэн ч удалгүй баригдсан. 

Цагдаа нарын мэдээлснээр Аллен хамгаалалтын нэг ажилтан руу буудсан ч сум нэвтэрдэггүй хантаазанд туссан тул аюулгүй өнгөрчээ. 

Халдлага үйлдсэн этгээд нь 31 настай Коул Томас Аллен хэмээх эрэгтэй гэдгийг тодорхойлоод буй. 

Тэрбээр халдлага болохоос нэг өдрийн өмнө хүлээн авалт болох зочид буудалд очиж тус газрыг тандан судалсан нь тодорхой болжээ. 

Мөн АНУ-ын засгийн газраас шүүхэд өгсөн нэмэлт материалд Аллен халдлагын өмнө зочид буудлын өрөөндөө олон төрлийн зэвсэг биедээ зүүж толины өмнө авхуулсан зураг нь багтсан байна. 

Эх сурвалж: ВВС