Элсэлтийн шалгалтын Монгол хэлний хичээлд “Тамгагүй төр” жүжгээс даалгавар ирсэн хэмээн улс төржүүлж, цахим орчимд шүүмжлэл өрнөж байна.

Энэ талаар нийслэлийн нэгэн дунд сургуулийн Монгол хэл, Уран зохиолын багшаас тодруулж асуухад, “Тамгагүй төр” жүжгээс элсэлтийн шалгалтад даалгавар ирж болох юм. Учир нь Бавуугийн Лхагвасүрэнгийн “Тамгагүй төр” жүжгийн зохиол 12-р ангийн сургалтын хөтөлбөр болон 2023 онд хэвлэгдсэн сурах бичигт орсон байдаг. Энэ утгаараа элсэлтийн шалгалтын асуулт болж, 2024 оны шалгалтад ч ирж байсан гэв. 

2024 оны элсэлтийн шалгалтын даалгавар "Тамгагүй төр" жүжгээс дараах асуултууд ирж байжээ.  




Хэрэв сонирхвол ерөнхий боловсролын 12-р ангийн Уран зохиолын сурах бичиг болон Medlee.mn сайтад нэвтэрч, харах боломжтой юм.  

Мөн өнөөдөр Боловсролын үнэлгээний төвийн (БҮТ) Даалгаврын хэлтсийн дарга С.Гэндэнжамц "Элсэлтийн шалгалтын агуулгад 6-12 дугаар ангид үзсэн агуулгаас чухлыг нь сонгодог. 

Элсэлтийн шалгалтын даалгавар хүнд байсан уу гэдгийн нэг үзүүлэлт нь өмнөх жилийн шалгалтын үр дүнгээс илт өөрчлөлт гарч, хүүхдүүд олноороо унадаг. Гэтэл энэ жил өнгөрөгч оноос төдийлөн өөрчлөлттэй байсангүй. Эсвэл хэт хөнгөн байвал бүх хүүхэд тэнцэж эрэмбэлэх боломжгүй болдог. Энэ бол уралдаант шалгалт. Тиймээс стандартыг барьж ажиллахыг БҮТ баримталдаг" гэв.