Төрийн ордны хашааны зүүн жигүүрийн хэсгийн засварын ажил дуусаж, хамгаалалтын өндөр саарал ханыг буулгажээ.  Хашааны булангийн нэг хэсгийг бетон цутган бэхжүүлж, үргэлжлүүлэн хуучин төмөр хашааг хатгасан бөгөөд бараан ногоон өнгөөр будсан нь олны анхаарал татаж шүүмжлэл дагуулсаар байна. Өндөр төмөр хашааны оройн жад нь айлгаж сүрдүүлсэн аястай байгаад олон түмэн дургүйцлээ илэрхийлжээ.

Монгол төрийн хоймор улс орны нүүр царайг илтгэх Төрийн ордны хашааг айдас хүйдэс төрүүлэм шорон орон шиг жадтайн дээр саарал ордонтойгоо өнгөний зохицолгүй хүнд өнгөөр будсан нь архитектурын ямар шийдэл болохыг тайлбарлах нь зүйтэй юм.