Сүхбаатарын талбайн жагсаал дөрөв дэх өдрөө үргэлжилж байна. Энэ үеэр жагсагчидтай хамт үзэл бодлоо илэрхийлээгүй, сонгуулиар ажилласан гэгдэх олны танилуудыг дагахгүй байх "Unfollow" аян өрнөсөн.

Улмаар зарим олны танил залуус өнгөрсөн Ерөнхийлөгчийн сонгуулийн үеэр улс төрийн сурталчилгаатай санаатай болон санамсаргүй холбогдсондоо уучлал гуйж эхэллээ.

Тодруулбал Youtube платформд алдаршсан "Gremix" буюу М.Ганбаяр сувагтаа "Ерөнхийлөгчийн сонгуулийн үеэр би нэг талыг барьсан агуулгатай видео оруулсандаа уучлал эрэхийг хүссэн" гэв.

Харин Facebook, Instagram-д алдаршсан О.Золзаяа "Би YZtv-н уран бүтээлчийн үүднээс гэрээний дагуу найруулагчийн өгсөн зохиолын дагуу захиалгат контент-д орсон нь үнэн" хэмээсэн байна.

Түүнчлэн реппер ThunderZ "Цаашид уран бүтээлчид, урлагийн салбарынхныг улс төрөөс хол байж нэг ч улс төртэй холбоотой зүйлд оролцолгүй, нийгмийн төлөө байхыг үүгээр уриалж байна" гэсэн юм.