Реалити шоуны од Ким Кардашиан “Interview” сэтгүүлийн есдүгээр сарын дугаарын нүүрийг чимсэн зураг олны анхаарлыг татаад байна. Өдгөө 41 настай тэрбээр үс, хөмсгөө шаргал өнгөөр будаж, өөртөө эрс өөрчлөлт хийн зураг авалтад оролцжээ.

Тус сэтгүүлийн ерөнхий редактор Мел Оттенберг сэтгүүлийн нүүрийг чимэх зураг авалтыг "Америк мөрөөдөл" сэдэвтэй хийхээр төлөвлөж, Ким Кардашианы дүр төрх, хэв маягийг тодорхойлсон байна.

Ким Кардашиан 2022 оны “Met Gala” ёслолын ажиллагаанд Мэрилин Монрогийн даашинзыг өмсөж, үсээ шаргал болгож оролцож байв.

Тэрбээр “Interview” сэтгүүлд өгсөн ярилцлагадаа Мэрилин Монрогийн даашинзыг өмсөж бүрдүүлсэн төрх, 2021 оны “Met Gala”-д өмссөн Баленсиагагийн хар битүү хувцасныхаа талаар ярьжээ.