ЭМЯ-нд иргэдээс эрүүл мэндийн салбартай холбоотой ирүүлсэн өргөдөл гомдлын шийдвэрлэлтийн талаар тус яамны удирдлагууд мэдээлэл хийж байна.

Засгийн газрын Иргэд, олон нийттэй харилцах 11-11 төвд эрүүл мэндийн байгууллагыг холбож, иргэдийн өргөдөл, гомдлыг шууд хүлээн авч, шуурхай шийдвэрлэн ажиллаж байна.

Өнгөрөгч зургаадугаар сард 11-11 төвд эрүүл мэндийн салбартай холбоотой нийт 144 өргөдөл, гомдлыг хүлээн авч, шийдвэрлэжээ. Нийт хүлээн авч шийдвэрлэсэн өргөдөл, гомдлын 60.4 хувь нь гомдол, 5.6 хувь нь санал, 7.6 хувь нь хүсэлт, 26.4 хувь нь талархал байна.

Шийдвэрлэсэн өргөдөл, гомдлыг эрүүл мэндийн байгууллагаар нь авч үзвэл

• УНТЭ 27.6
• УХТЭ 13.8
• ЭМХТ 13.8
• ХСҮТ 10.3
• ЭХЭМҮТ 9.2
• УГТЭ 8
• ХӨСҮТ 6.9
• Бусад 10.3 хувьтай байна.

Шийдвэрлэсэн өргөдөл, гомдлыг агуулгаар нь харахад

• Эмчилгээ үйлчилгээтэй холбоотой 42
• Эмнэлэгт цаг авахтай холбоотой 37
• Бусад 6.8 хувьтай байна.