Дөрөв дэх удаагаа зохион байгуулагдаж буй “Bloomberg”-ийн “Шинэ эдийн засгийн форум” буюу “New Economy Forum” Сингапур хотноо үргэлжилж байна.

Өнөөдөр АНУ-ын Төрийн нарийн бичгийн дарга асан Хиллари Клинтон, Их Британийн Ерөнхий сайд асан Тони Блэйр нар форумд оролцож, үг хэлэх аж.

Пүрэв гарагийн хэлэлцүүлгийн үеэр Билл Гэйтс “Ирээдүйд дахин цар тахал нүүрлэх эрсдэл Африктай холбоотой байж магадгүй”-г анхааруулсан юм. Мөн вакцины нийлүүлэлтийг хурдасгах хэрэгтэйг сануулж байлаа.

Арга хэмжээний сүүлийн өдөр дэлхийн тэргүүлэх эдийн засагтай хоёр гүрний хоорондын харилцаа гол сэдэв болж байна.

Үүнээс гадна дэлхий дахиныг хамраад буй нийлүүлэлтийн сүлжээний асуудал, цар тахлын хямралын асуудлаар хэлэлцүүлэг өрнөх товтой байна.