Өнөөдөр 20:00 цагийн усархаг бороо орсны улмаас нийслэлийн хэмжээнд үерийн есөн удаагийн дуудлага мэдээлэл /СБД-2, БЗД-7/ бүртгэгдэж  албан хаагчид газар дээр нь ажиллаж байна.

Дарь-Эхээс Шинэ монелруу эргэдэг дээр гэрлийн шон унаж, гурван хүн тогонд цохиулж, хоёр нь /28,60 настай/ нас барсан байна. Улаанбаатар хотод 20-30 минутын дараа усархаг түр зуурын бороо орох тул болзошгүй эрсдэлээс сэргийлэхийг зөвлөж байна хэмээн ОБЕГ-ын Урьдчилан сэргийлэх хэлтсээс мэдээлэв. Мөн тус хэргийг Баянзүрх дүүргийн цагдаагийн хэлтэс шалгаж байгаа аж.

Ус, цаг уур, орчны шинжилгээний газрын мэдээгээр өнөө шөнө, маргааш өдөртөө Улаанбаатар хот орчмоор түр зуурын аадар бороо, бороо үргэлжлэн орох төлөвтэй байгаа тул болзошгүй үер усны аюулаас урьдчилан сэргийлэхийг Нийслэлийн Онцгой байдлын газраас онцгойлон анхааруулж байна.