Өмнөговь аймгийн Даланзадгад хотноо “Ардчилсан хувьсгалын 30 жилийн ойд зориулсан” улс, аймгийн цолтой бөхчүүдийн барилдаан болов. Тус барилдаанд улсын арслан Р.Пүрэвдагва, улсын харцага Х.Гантулга, О.Хангай, Н.Золбоо нарын тэргүүтэй 64 бөх хүч сорилоо.

Бай өндөртэй энэхүү барилдаанд Ховд аймгийн Буянт сумын харьяат, улсын харцага Оргихын Хангай зургаа даван түрүүлж, Архангай аймгийн Эрдэнэбулган сумын харьяат, улсын арслан Рэнцэнбямбын Пүрэвдагва тав даван үзүүрлэв. Их шөвөгт улсын харцага Х.Гантулга, улсын начин Б.Амарзаяа нар шалгарлаа. Харин дунд шөвөгт улсын харцага Н.Золбоо, улсын начин Ц.Одбаяр, Ш.Дарханбат, аймгийн арслан Д.Хүдэрбулга нар үлдсэн юм. Уг барилдааны түрүү бөх таван сая, үзүүр бөх гурван сая төгрөгийн бай гардав.

Барилдааны оноолтыг гурвын даваанаас үзнэ үү.

Гурвын даваа

1. Р.ПҮРЭВДАГВА у.ар – Ц.Ганбат а.а
2. Х.ГАНТУЛГА у.х – Г.Бадрах а.з
3. О.ХАНГАЙ у.х – Б.Гончигтавхай а.а
4. Н.ЗОЛБОО у.х – Б.Амгаланбаатар а.а
5. Т.Бэгзсүрэн у.х – Ш.ДАРХАНБАТ у.н
6. Б.АМАРЗАЯА у.н – Б.Чимэдвандан у.н
7. Ц.ОДБАЯР у.н – Бо.Батжаргал у.н
8. Б.Түмэндэмбэрэл а.а – Д.ХҮДЭРБУЛГА а.а

Дөрвийн даваа

1. Р.ПҮРЭВДАГВА – Д.Хүдэрбулга
2. Х.ГАНТУЛГА – Ш.Дарханбат
3. О.ХАНГАЙ – Ц.Одбаяр
4. Н.Золбоо – Б.АМАРЗАЯА

Тавын даваа

1. Р.ПҮРЭВДАГВА – Б.Амарзаяа
2. Х.Гантулга - О.ХАНГАЙ

Зургаагийн даваа

1. Р.Пүрэвдагва – О.ХАНГАЙ