Техник технологийн политехник коллеж 2019 оны 05 сарын 06-нд Ази, Номхон далайн бүсийн хүний нөөцийн хөгжлийн техникийн боловсролын ажилтны коллеги (CPSC-Colombo Plan Staff College)-ийн магадлан итгэмжлэл ба батламжлалын комисс (APACC)-оор 4 жилийн хугацаатай магадлан итгэмжлэгдэж Монгол Улсдаа анх удаа “АЛТАН ӨРГӨМЖЛӨЛ”-ийн болзол хангалаа.

Ингэснээр тус бүс нутгийн ижил төстэй сургуулиудтай хамтран ажиллаж, багш оюутны солилцоо хийх, сургалт, судалгааны чанарт ахиц гарч төгсөгчид нь олон улсын хөдөлмөрийн зах зээл дээр эзэмшсэн мэргэжлээрээ ажиллах боломжийг бүрдүүлж байгаа юм.

Тус сургууль үүсэн байгуулагдсаны 35 жилийн ойн босгон дээрээ ийнхүү олон улсын хэмжээнд хоёр дахь удаагаа магадлан итгэмжлэгдэв.